Chama Kikuu cha Ushirika Lindi Mwambao Ltd kilianza kufanya kazi tarehe 1 Oktoba 2014, baada ya Chama Kikuu cha Ilulu kilichokuwa kikihudumia Mkoa wa Lindi kukoma uhai wake na kuwa chini ya Mfilisi. Kutoka hapo vyama vikuu viwili vipya vilizaliwa — Chama Kikuu cha RUNALI na Chama Kikuu cha Ushirika Lindi Mwambao.
Chama kilipata usajili wa awali (Namba 5596) tarehe 19 Februari 2018, na tarehe 13 Januari 2023 usajili mpya wa kidigitali wenye Namba AFF-LND-LND-MC-2023-24.
Chama kilianza na AMCOS 39 za korosho; hadi sasa jumla ya AMCOS wanachama ni 61, zikitoka katika Halmashauri tatu za Mkoa wa Lindi — Manispaa ya Lindi, Mtama na Kilwa. Tangu msimu wa 2018/19 wanachama wameongeza uzalishaji wa ufuta na mbaazi, kando na korosho. Makao makuu ya Chama yako Manispaa ya Lindi, Kata ya Rasibula, Mtaa wa Mitwero.
Dira: Kuwa chama cha ushirika kinachoongoza katika kuboresha maisha ya wakulima wa Mkoa wa Lindi kupitia uzalishaji endelevu na masoko bora ya mazao ya kilimo.
Dhima: Kutoa huduma bora za ushirika zenye tija kwa wanachama kupitia uwazi, uwajibikaji na ushirikiano, ili kuongeza kipato na kuboresha maisha ya jamii ya wakulima.
Chama kikuu cha ushirika Lindi Mwambao Ltd kinashirikiana na Wadau mbalimbali ili kuhakikisha wanachama wananufaika ipasavyo na shughuli za chama, wakiwemo:
- Copra na Bodi ya Korosho Tanzania
- Tume ya Maendeleo ya Ushirika (TCDC)
- Soko la Bidhaa Mtandaoni (TMX)
- Korosho Cooperative Joint Enterprise (KCJE)
- Bodi ya Stakabadhi Ghalani
- Serikali ya Mkoa wa Lindi
- Chuo Kikuu cha Ushirika Moshi (Moshi Co-operative University)
- Shirika la Ukaguzi wa Vyama vya Ushirika (COASCO)
Chama kinaongozwa na Bodi ya Chama yenye wajumbe saba (7), iliyochaguliwa na wanachama, ikisimamiwa kiutendaji na Meneja Mkuu pamoja na watendaji kumi na sita (16) wa ngazi za juu. Tazama majina ya viongozi wetu hapa chini.
S.L.P 140, Lindi, Tanzania. Simu: +255 685 543 131. Barua pepe: info@lindimwambaoltd.co.tz.
Bodi ya Chama na Watendaji wa Ngazi za Juu wa Chama Kikuu cha Ushirika Lindi Mwambao (LMCU) Ltd.
